Bas meshit shákirtteri arasynda «Sultan arýy» anyqtaldy (FOTO)

Keshe respýblıkalyq «Áziret Sultan» meshitiniń áıel ustazdarynyń uıymdastyrýymen shákirtter arasynda «Sultan arýy» baıqaýy ótti. Qasıetti Ramazan aıynyń qurmetine oraı uıymdastyrylǵan baıqaý barysynda meshittegi Dinı saýat ashý kýrsynyń shákirt qyzdary túrli synaqtan ótip, ózderiniń bilim deńgeıin, tálim-tárbıesi men óz ónerlerin pash etti.

Tal shybyqtaı buralǵan shákirtter qyzdardyń ónerine baǵalap, arasynan úzdigin tańdaý tóreligi «Sədýaqas qajy Ǵylmanı» meshitiniń ustazy Kóksegen Aıgúl, «Əl-Ǵanı» meshitiniń ustazy Qarlyǵash Qajymálikqyzy, «Áziret Sultan» meshitiniń ustazy Aıagóz Abdramanovalarǵa júktelip, úmitkerlerdiń dinı bilimderi de sarapqa salyndy.

Jalpy úsh kezeń boıynsha túrli synaqtan ótip, jamaǵat aldynda qasıetti Quran aıattaryn oqyp, Paıǵambar (s.ǵ.s.) hadısteri boıynsha bilim jarystyrǵan úmitkerler aqyndyq qabiletterin de kórsetip, ózderin óleń-jyrmen tanystyrýdan bastady. Sondaı-aq, saıys barysynda sharıǵat talaptaryna saı kıim úlgilerin de tanystyryp, arnaıy daıyndap ákelgen buıymdaryn kópshilik nazaryna usyndy.

Shákirt qyzdardyń óneri men bilimderi jan-jaqty talqyǵa túsken baıqaý qorytyndysy boıynsha «Sultan arýy» ataǵyna Qaıratqyzy dilnur ıe bolyp, júldeli I-orynmen marapattaldy. Al, II-oryn ıegeri Baýyrjanqyzy Sholpan atansa, III-orynǵa Bektibaıqyzy Aqqal laıyqty dep tanyldy. Júldegerlerdiń barlyǵyna «Áziret Sultan» meshitiniń arnaıy dıplomdary tabystalyp, syılyqtar tartý etildi.

Sýretterdi «FOTOGALEREIa» aıdarynan kóre alasyzdar!