Bas meshit qyzmetkerleri Qarttar úıinde merekelik shara ótkizdi (FOTO+VIDEO)
Nur-Sultan qalasynyń irgesinde ornalasqan Malotımofeevka aýylyndaǵy Qarttar úıiniń respýblıkalyq «Áziret Sultan» meshitiniń qyzmetkerleriniń únemi at basyn tireıtin aıtýly orynǵa aınalǵaly qashan. Búgin de Bas meshit qyzmetkerleri alystaǵy Qarttar úıin arnaıy zııarat etip, Qarttar kúniniń qurmetine oraı «Qarttarym – asyl qazynam» atty merekelik kesh uıymdastyryp qaıtty.
Qarttar kúni merekesimen quttyqtaı kelgen meshit qyzmetkerleri bul joly da qarııalarǵa qur qol kelmedi. Ortalyqtaǵy 151 janǵa arnaıy kúrtesheler men basqa da kıim-keshek túrleri, qoraptaǵy qurma jemisteri túrli rýhanı kitaptar tartý etildi. «Áziret Sultan» meshitiniń naıb ımamy Rýslan Sultanov pen ustaz Dinmuhammed Smanov qarııalarǵa izgi tilekterin arnap, meıirimge toly nasıhat aıtty. Birinshi naıb múftı, Nur-Sultan qalasynyń bas ımamy Naýryzbaı qajy Taǵanulynyń ystyq sálemin jetkizip, ótken merekelerimen quttyqtady.
Qamkóńil qarııalarǵa qýanysh syılap, meıirim shýaǵyn tókken taǵylymdy kesh aıasynda «Áziret Sultan» meshitiniń dinı saýatyn kýrsynda tálim alyp júrgen Qazaq Ulttyq Óner ýnıversıtetiniń shákirtteri qarııalarǵa án men kúıden shashý shashyp, merekelik kóńil-kúı týǵyzdy. Ásem án tolqynynda qart ájelerimiz jastyq shaqtaryn eske alyp, bı alańynda bir jasap qaldy. Meıirim shýaǵyn shashyp, merekelik kóńil kúı syılaǵan meshit qyzmetkerlerine Qarttar úıiniń basshylyǵy da óz alǵystaryn bildirdi.
Merekelik kesh sońy Ortalyqtaǵy ashanada «Áziret Sultan» meshitiniń shákirtterinen quralǵan «Inabat» qyz-kelinshekter klýbynyń uıytqy bolýymen jaıylǵan merekelik dastarhanǵa jalǵasty. Dastarhan basynda qasıetti Quran aıattary oqylyp, qarııalarymyz úshin duǵa jasaldy.
Kelgen saıyn meıirim men qurmetke toly sezimderin syılap, qal-jaǵdaılaryn surap, báıek bolatyn meshit qyzmetkerlerimen qarııalar bul joly da qımaı-qımaı qoshtasty.
