Bas meshit dárethanasyndaǵy tósenishter túgelimen aýystyryldy (FOTO+VIDEO)

Respýblıkalyq «Áziret Sultan» meshitindegi jańalaý jumystary kún sanap jalǵasyp keledi. Keshe demeýshi azamattardyń qamqorlyǵymen meshit shamdary aýystyrylǵan bolatyn. Qulshylyq ordasynyń ishi samaladaı jaryq bolyp turýyna úles qosqan jandardyń izgi joly búgin taǵy da jalǵasyn tapty. Qulshylyq ordasynyń qajetin óteýge tyrysqan taǵy bir demeýshi azamattyń arqasynda búgin dárethanadaǵy rezeńke tósenishteri túgeldeı aýystyrylyp shyqty.

Aıta keteıik, elimizdiń Bas qulshylyq ordasyndaǵy jaılylyq pen ásemdiktiń qashanda úılesimdilikte bolýyna qaperde ustaǵan meshit basshylyǵy bıylǵy jyly kóptegen irgeli jumystar atqardy. Tamyz aıynyń sońyna taman QMDB tóraǵasy, Bas múftı Naýryzbaı qajy Taǵanulynyń bastamasymen «Áziret Sultan» meshitindegi kilemderdiń toza bastaýyna oraı túgeldeı jańartylǵan bolatyn. Jalpy kólemi 9 800 sharshy metr bolatyn jańa kilem «Áziret Sultan» meshitiniń ásemdigine úılesip, túgi jyǵylmaǵan jumsaqtyǵymen  jaılylyqty arttyra tústi.

Jańa kilemniń qıyndylary da búgin kádege asyrylyp, dáret alatyn oryndyqtardyń ústine tóselip shyqty. Ásirese, qysty kúnderi sýyq tartyp turatyn tas otyrǵyshtardyń endi jamaǵat úshin jaılylyqtan basqa mini joq boldy.

Sýretterdi «FOTOGALEREIa» aıdarynan kóre alasyzdar!