BAS IMAM «RAHYMQYZY RAISA ANA» MEShITINDE JUMA NAMAZYN ÓTKIZDI

Búgin qasıetti juma kúni Astana qalasynyń bas ımamy Nurbek qajy Áýeshanuly Saryarqa aýdanyndaǵy «Raqymqyzy Raısa ana» meshitinde juma namazyn ótkizip, jamaǵatqa «Neke – salaýatty ómirdiń berik negizi» taqyrybynda ýaǵyz aıtty.

Ýaǵyz barysynda bas ımam otbasy ınstıtýtynyń qoǵamdaǵy mańyzyna toqtalyp, neke – tek eki adamnyń arasyndaǵy kelisim emes, Allanyń aldynda alynǵan jaýapty amanat ekenin jetkizdi. Sondaı-aq erli-zaıyptylar arasyndaǵy ózara qurmet, meıirim, sabyr men jaýapkershilik berekeli otbasynyń basty tiregi ekenin atap ótti.

«Neke – musylman ómirindegi eń qasıetti qundylyqtardyń biri. Berik otbasy ózara qurmetten, jaýapkershilikten jáne Alla razylyǵy úshin jasalǵan izgi qarym-qatynastan bastalady. Otbasyn saqtaý – árbir musylmannyń mańyzdy mindeti», – dedi Nurbek qajy Áýeshanuly.

Sonymen qatar bas ımam jastardy neke máselesine jeńil qaramaýǵa, ata-ananyń aq batasyn alyp, otbasy ómirin ıslam qundylyqtary negizinde qurýǵa shaqyrdy. Sondaı-aq bala tárbıesinde ata-ananyń ónegesi men kórkem mineziniń sheshýshi ról atqaratynyn aıtyp, qoǵamdaǵy bereke men turaqtylyqtyń bastaýy – berik otbasy ekenin jetkizdi.

Juma namazy sońynda eldiń amandyǵy men birligine, otbasynyń tynyshtyǵy men berekesine duǵa jasaldy.

Источник: Aisha