BAS IMAM: MAQSATYMYZ LAIYQTY ÚMMET BOLÝ

Astana qalasynyń bas ımamy Nurbek qajy Áýeshanuly kún tártibine saı elordadaǵy «Yryskeldi qajy» meshitine jumys saparymen bardy. Qala bas ımamy eń aldymen meshit aýmaǵynda atqarylyp jatqan negizgi sharýalarmen tanysty.

2018 jyly ashylǵan qulshylyq úıi búginde jańaryp, kólik qoıý turaǵy, jamaǵattyń kirip-shyǵýy, meshit aýlasyna ótetin negizgi kóshege jol belgileriniń qoıylýy, mańaıyndaǵy Esil ózeni boıynyń jańǵyrýy syndy biraz jumys istelgenin meshit ımamy Nurlan Asanov baıandady.

Bas ımam meshit ımamdarymen kezdesý ótkizip, Allanyń razylyǵyn alý, dinge qyzmet etý jolyndaǵy Paıǵambarymyzdyń (Oǵan Allanyń salaýaty men sálemi bolsyn) súıikti úmmetine saı bola bilý taqyrybynda nasıhat aıtty.

«Birde Paıǵambarymyz: (Oǵan Allanyń salaýaty men sálemi bolsyn) «Baýyrlarymdy saǵyndym» deıdi. Muny estigen sahabalar: «Iə Allanyń elshisi! Biz seniń baýyrlaryń emespiz be?» desedi. Sonda súıikti Paıǵambarymyz: «Sender meniń ashabymsyńdar. Meniń baýyrlarym meni kórmeı ıman keltirgender» deıdi. Alla Taǵalaǵa laıyqty qul, Paıǵambarymyzǵa laıyqty úmmet bolýymyzdy nəsip etsin. Ásirese, jastarǵa durys dinı bilim berý – búgingi kúnniń basty mindeti. Olardy jat aǵymnan saqtandyryp, týra joldy nusqaý maqsatymyz. Jas urpaqtyń boıyna Otanǵa qyzmet etý, eńbekqorlyq jáne adaldyq qundylyqtaryn sińirý qajet», - dedi Nurbek qajy Áýeshanuly.

Sondaı-aq bas ımam din qyzmetkeriniń kórkem minezi, paıdaly amaly jáne qoǵamǵa qyzmeti arqyly úlken saýaptarǵa jetetinin atap ótti. Kezdesý barysynda «Yryskeldi qajy» meshitiniń jumysyn jetildirý, jamaǵattyń turaqtylyǵy, jastardyń senim máselesinde jat aǵymnan saqtanýy jaıly nasıhat aıtyldy.

Sýretterdi tolyǵyraq «FOTOGALEREIa» aıdarynan kóre alasyzdar!

Источник: Aisha