BAÁ-ge Qazaqstannyń jańa elshisi taǵaıyndaldy

QR Prezıdenti Birikken Arab Ámirlikterine tótenshe jáne ókiletti elshi taǵaıyndady.  Bul týraly Aqordanyń resmı saıty habarlady.

«Memleket basshysynyń Jarlyǵymen Madııar Smádiluly Meńilbekov Qazaqstan Respýblıkasynyń Birikken Arab Ámirlikterindegi Tótenshe jáne Ókiletti Elshisi qyzmetine taǵaıyndaldy», — delingen habarlamada.

Memleket basshysynyń Jarlyǵymen Qaırat Qaıyrbekuly Lama Sharıf Qazaqstan Respýblıkasynyń Birikken Arab Ámirlikterindegi Tótenshe jáne Ókiletti Elshisi qyzmetinen bosatyldy.

Madııar Smádiluly MEŃILBEKOV

1978 jylǵy 8 aqpanda Jambyl oblysy, Merki aýdanynda týǵan.

2002 jyly Lıvııanyń Trıpolı qalasyndaǵy Islamǵa shaqyrý ýnıversıtetin bitirgen, arab tili jáne ıslamtaný bakalavry. 2004 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń magıstratýrasyn aıaqtaǵan, fılologııa magıstri.

2002-2005 jyldary Nur-Múbarak Egıpet ıslam mádenıeti ýnıversıtetiniń aǵa oqytýshysy. 2005-2006 jyldary QR Prezıdenti janyndaǵy Memlekettik basqarý akademııasynyń aǵa oqytýshysy. 2006 jylǵy sáýirden qyrkúıekke deıin Qazaqstan Respýblıkasy Syrtqy ister mınıstrligi Azııa jáne Afrıka departamentiniń úshinshi hatshysy.

2006-2011 jyldary QR Birikken Arab Ámirlikterindegi Elshiliginiń attashesi, úshinshi, ekinshi hatshysy.

2011-2012 jyldary QR Syrtqy ister mınıstrligi Azııa jáne Afrıka departamentiniń birinshi hatshysy.

2012-2015 jyldary QR Birikken Arab Ámirlikterindegi Elshiliginiń keńesshisi.

2015-2017 jyldary QR Birikken Arab Ámirlikterindegi Elshiliginiń keńesshi-ýákili.

2017-2019 jyldary QR Dýbaıdaǵy Bas konsýly qyzmetin atqarǵan.

2019 jylǵy 26 aqpannan bastap — QR Birikken Arab Ámirlikterindegi Tótenshe jáne Ókiletti Elshisi.