«Áziret Sultannyń» áıel jamaǵatyna arnalǵan Quran merekesi ótti (FOTO)

Esterińizde bolsa, osydan onshaqty kún buryn respýblıkalyq «Áziret Sultan» meshitiniń áıel shákirtteriniń tájýıd baǵdarlamasyn támamdap, Quran Kárimge kiriskenine oraı «Quran – sónbes sáýle, jaryq nur» atty merekelik shara ótken bolatyn. Shákirtter sanynyń kóptigine baılanysty qýanyshty sharaǵa ol joly qos ustazdyń (Amankúl jáne Aıagóz Abdramanova) ǵana shákirtteri qatysyp, 160-tan astam qyz-kelinshekke qasıetti Quran kitaby tartý etilgen edi.

Keshegi ótken shara aıasynda «Áziret Sultan» meshitiniń ustazdary Gúlsara Beket pen Alııa Ómirbekova shákirtterine Quran tabystalyp, ilim jolyndaǵy izdenisterine sáttilik aıtyldy. Shara barysynda shákirtterge Qurandy oqyp-úırenýdiń, onymen amal etýdiń saýapty joldary aıtylyp, nasıhat júrgizildi.

Sýretterdi «FOTOGALEREIa» aıdarynan kóre alasyzdar!