«ÁZIRET SULTAN» ShÁKIRTTERINE SALA TAŃDAÝ BOIYNShA SEMINAR ÓTTI (FOTO)
«Áziret Sultan» meshitinde «Imanı jaz-2024» jazǵy saýat ashý kýrsynyń qyz bala shákirtterine bolashaq mamandyqtaryn tańdaý boıynsha aqyl-keńester berildi.
«Mamandyqty qalaı tańdaımyn?» taqyrybynda ótken semınarda spıker retinde shaqyrylǵan jýrnalıst, BAQ.KZ portalynyń mamany Jansaıa Qambar ártúrli sala boıynsha sholý jasap, mamandyq tańdaýda kómektesetin ádis-tásilderdi kórsetti.
«Jazǵy saýat ashý kýrsynyń eresekterge arnalǵan tobyna búgin mamandyq tańdaý boıynsha semınar ótkizip otyrmyz. Sebebi, bul topta jaqyn arada mektep bitirip, mamandyqtaryn tańdap oqýǵa túsetin qyzdar oqıdy. Bul kezeńde qyz balalar qaı mamandyqqa bararyn, mamandyqty qalaı tańdaý kerektigi jaıly kóp shatasady. Sol sebepti bolashaqqa baǵyt-baǵdar berip, kókeılerindegi suraqtarǵa jaýap berý maqsatynda osy sharany ótkizip otyrmyz», - dedi is-sharany uıymdastyrýshy «Áziret Sultan» meshitiniń ustazy Nurgúl Álıhanqyzy.
