«Áziret Sultan» meshitiniń áıel jamaǵaty Máýlit merekesin toılady (FOTO)

Keshe Astana qalasyndaǵy respýblıkalyq «Áziret Sultan» meshitiniń áıel jamaǵatyna arnalǵan «Qosh keldiń, Máýlit aıy!» atty merekelik shara bolyp ótti. Respýblıkalyq Bas meshittegi «Inabat» áıelder klýbynyń uıymdastyrýymen júzege asqan mereıli merekege 300-den astam názikjandy jamaǵat qatysyp, qulshylyq ordasynan rýhanı nár alyp qaıtty.

Meshit ustazy Farhat Isaulynyń qasıetti Quran aıattaryn oqýymen bastalǵan Máýlit merekesiniń qonaqtaryn Birinshi naıb múftı, «Áziret Sultan» meshitiniń bas ımamy Naýryzbaı qajy Taǵanuly ózi qarsy alyp, quttyqtaý lebizin bildirdi. Bas meshittegi qaıyrymdylyq jármeńkesi, aıt merekelerindegi túrli sharalarǵa belsene atsalysyp, meıirimdilik pen qamqorlyqtyń jarqyn úlgisin pash etip júrgen «Áziret Sultan» meshitiniń áıel jamaǵatynyń búgingi merekesimen quttyqtap, izgi tilegin jetkizdi.

Súıikti Paıǵambarymyzǵa (s.ǵ.s.) sansyz salaýattar aıtyp, súnnetteri men ósıetteri jańǵyrǵan aıtýly sharaǵa QMDB Áıelder-qyzdar sektorynyń meńgerýshisi Aqbópe Qanatqyzy men Elorda meshitteriniń áıel ustazdary arnaıy shaqyrylyp, Máýlit merekesiniń qýanyshymen birge bólisti.

Bıylǵy jyly alǵash ret qos tilde júrgizilgen Máýlit keshi jamaǵat kóńilinen shyǵyp, kóptegen qyz-kelinshekter til bilmegendikten buryndary bundaı merekelik sharalardy ótkizip alýǵa májbúr bolǵandaryn aıtyp, alǵystaryn jetkizip jatty.

Sýretterdi «FOTOGALEREIa» aıdarynan kóre alasyzdar!