«Áziret Sultan» meshitine jańa ustaz taǵaıyndaldy (FOTO)

Búgin respýblıkalyq «Áziret Sultan» meshitiniń ujymy taǵy bir bilikti mamanmen tolyqty. QMDB tóraǵasy, Bas múftı Naýryzbaı qajy Taǵanulynyń buıryǵymen Balahmet Murtaza Ertaıuly respýblıkalyq «Áziret Sultan» meshitiniń ustazy qyzmetine taǵaıyndaldy.

Nur-Sultan qalasynyń jáne «Áziret Sultan» meshitiniń bas ımamy Erbolat Júsipov besin namazyna jıylǵan jamaǵatqa jańa qyzmetkerdi tanystyryp, Bas múftı buıryǵyn oqyp berdi. Birneshe halyqaralyq Quran jarystaryna qatysyp, elimizdiń abyroıyn asqaqtatqan qarı Murtaza Ertaıulyna izgi nıetin bildirip, jumysyna sáttilik tiledi.

Balahmet Murtaza Ertaıuly 2017 jyldary «Qaýam ad-dın ál-Itqanı ál-Farabı at-Túrkistanı» respýblıkalyq qarılar daıyndaý ortalyǵynda» qasıetti Quran Kárimdi tolyq jattap shyqqan.

2012-2017 jyldary Kókshetaý qalasy «J.Mýsın» atyndaǵy pedagogıkalyq kolledjinde oqyǵan.

2016 jyly Malazııada memleketinde ótken Halyqaralyq Quran jarysqa qatysqan.

2017 jyly Indonezııa elinde Halyqaralyq Quran jarysqa qatysqan.

2017 jyly Resseı elindegi Halyqaralyq Quran jarysqa qatysqan. 

2019-2021 jyldary Túrkııa memleketi, Stambýl qalasy «Ád Dııar Ásh-Shamı» medresesinde «Asym» qyraǵaty, «Shuǵba» jáne «Hafs» rıýaıaty boıynsha ıjaza alǵan.

2017 jyly Nur-Sultan qalasynda «Nur-Astana» meshitinde, 2018-2019 jyldary «Áziret Sultan» meshitterinde taraýıh namazdarynda Quran hatym etken Murtaza Ertaıuly elorda jamaǵatyna keńinen tanymal.