«Áziret Sultan» meshitine jańa naıb ımamdar taǵaıyndaldy (FOTO)
Búgin, qasıetti juma kúni respýblıkalyq «Áziret Sultan» meshitiniń ujymy qos birdeı bilikti qyzmetkermen tolyqty. Juma namazyna jıylǵan jamaǵatqa «Áziret Sultan» meshitiniń bas ımamy Erbolat Júsipov bekitilgen jospar boıynsha «Adamǵa alǵys aıtpaǵannyń Allaǵa shúkiri joq» taqyrybyndaǵy ýaǵyzynan soń búgingi kúnniń jańalyqtaryn habardar etti.
Bas meshit jamaǵatyna QMDB tóraǵasy, Bas múftı Naýryzbaı qajy Taǵanulynyń buıryǵyn jetkizip, Erbolat Nuryldauly qos qyzmetker jaıly qysqasha tanystyryp ótti. Elorda jamaǵatyna burynnan tanys Dinmuhammed Smanov pen Estaı Abdyǵalıevtardyń din salasyndaǵy jetistikterine toqtalyp, jańa jumystaryna sáttilik tiledi.
Dinmuhammed Abdýjapparuly Smanov
1985 jyly 19 qazanda Túrkistan oblysy, Saryaǵash aýdany, Jartytóbe aýyldyq okrýginiń Yntymaq aýylynda dúnıege kelgen. Bilimi joǵary, dintaný magıstri.
1991-2002 jyldary Yntymaq aýylyndaǵy S.Maılyqoja atyndaǵy orta mektepte bilim alǵan.
2003-2005 jyldary Almaty qalasyndaǵy Sultanqorǵan meshitiniń Quran Kárim kýrsyn támamdaǵan.
2007-2009 jyldary Saýd Arabııasy koroldigindegi Arab tili ınstıtýtynda bilim alǵan.
2009-2013 jyldary Saýd Arabııasy koroldigindegi «Islam» ýnıversıtetiniń Sharıǵat fakýltetin úzdik dárejemen aıaqtaǵan.
2015-2017 jyldary Shet tilder jáne iskerlik karera ýnıversıtetiniń Dintaný mamandyǵy boıynsha magıstr dárejesin qorǵaǵan.
2015-2017 jyldary Aqmola oblysy, Kókshetaý qalasy, Naýan Hazret meshiti naıb ımam qyzmetin atqarǵan.
2015-2017 jyldary Aqmola oblysynda teolog qyzmetin atqarǵan.
2017 jyldyń naýryz aıynan bastap qazirgi kúnge deıin QMDB-nyń «Áziret Sultan» meshitinde ustazdyq qyzmette.
2017 jyldan bastap Astana qalasy ákimdiginń janynan qurylǵan jergilikti aqparattyq-túsindirý tobynyń (JATT) múshesi.
2019 jyldan bastap QMDB-nyń janynan qurylǵan Respýblıkalyq aqparattyq nasıhat tobynyń (RANT) múshesi.
2019 jyldan bastap QR AQD Din ister komıtetiniń janynan qurylǵan óńirlik din máseleleri jónindegi aqparattyq- túsindirý tobynyń (RATT) múshesi.
Abdyǵalıev Estaı Aıtýǵanuly
1995 jyly 18-qańtarda Qaraǵandy oblysy, Shet aýdany, Jumysker aýylynda dúnıege kelgen.
2001-2012 jyldary Qaraǵandy oblysy, Shet aýdany, Jumysker aýylyndaǵy orta mektepti bitirgen.
2012-2015 jyldary Nur-Sultan qalasyndaǵy «Nur Astana» medresesinde dinı saýat ashqan.
2016-2019 jyldary Qaraǵandy Memlekettik ýnıversıtetine «Dintaný» mamandyǵy boıynsha bilim alǵan.
2015 jyldyń maýsym-jeltoqsan aılarynda Qaraǵandy oblysy, Saran qalasynyń meshitinde ustazdyq qyzmet atqarǵan.
2016-2018 jyldary Qaraǵandy oblysy, Buqar jyraý aýdany, Rostovka aýylyndaǵy «Balken ana» meshitiniń bas ımamy bolyp jumys atqarǵan.
2018-2020 jyldary Nur-Sultan qalasyndaǵy «Yryskeldi qajy» meshitinde naıb ımam qyzmetin atqarǵan.
2020 jyldyń 28-aqpanynan bastap respýblıkalyq «Áziret Sultan» meshitiniń naıb ımamy qyzmetinde.
2015 jyly QMDB Qaraǵandy ókildiginiń «Jyl ustazy» ataǵymen marapattalǵan.
2017 jyly Qaraǵandy oblysy ımamdary arasynda ótken «Nurly minber» saıysynyń bas júldegeri atanǵan.
