«Áziret Sultan» meshitine jańa naıb ımam taǵaıyndaldy (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń buıryǵy boıynsha búgin Nur-Sultan qalasyndaǵy respýblıkalyq «Áziret Sultan» meshitine jańa naıb ımam taǵaıyndaldy. Aqmola óńiriniń jamaǵatyna burynnan tanys Smataev Ibragım Keldibaıuly qasıetti Ramazan aıynda jańa qyzmetke kirisip, meshit ujymyna tanystyryldy.

Dinı saýatyn 1989-1991 jyldary Tselınograd (Astana) meshitinen ashyp, 1992-1996 jyldary Túrkııa Respýblıkasy mýftııatynyń «Imam hatıb» medrsesinde bilim alǵan Smataev Ibragım Keldibaıuly uzaq jyldar boıy Aqmola óńirinde jemisti qyzmet atqarǵan. Táýelsizdiktiń alǵashqy jyldary aýyl meshitterinde shákirt tárbıelep, qıyndyqqa toly kezeńderde ımamdyq qyzmetin qaltqysyz atqaryp, din salasynyń damýyna zor úles qosqan. Osy jyldar ishinde jumys tájirıbesin arttyrýmen qatar, bilimin de únemi jetildirip otyrǵan. 2013-2015 jyldary Eýrazııa gýmanıtarlyq ınstıtýtynda «Zańger» mamandyǵy boıynsha bilim alsa, 2015-2018 jyldary «Reseı Islam ýnıversıtetinde «Dintaný» mamandyǵy boıynsha bilim alyp shyqqan.

Ibragım Smataev 1991-1992 jyldary Aqmola oblysy, Izobılnoe aýylynyń Bas ımamy, 1996-2005 jyldary Aqmola oblysy, Arshaly aýdanynyń Bas ımamy, 2005-2006 jyldary Aqmola oblystyq Ortalyq meshitiniń is-basqarýshysy, 2006-2015 jyldary Astana qalasy «Tólebaı» meshitiń Bas ımamy, 2015-2017 j.j «Nur Astana» Ortalyq meshitiniń is-basqarýshysy, 2017–2018 j.j QMDB-nyń «Zeket» Korporatıvtik qorynyń Astana qalasy boıynsha ókildiginiń dırektory, 2018 jyldan osy ýaqytqa deıin «Astana» medrese-kolledjiniń dırektory qyzmetin abyroımen atqaryp keldi.

Otbasyly, 2 qyzy bar.