«Áziret Sultan» meshitine bas ımam taǵaıyndaldy (FOTO)

Búgin, qasıetti juma kúni Elorda tórindegi respýblıkalyq «Áziret Sultan» meshitine QMDB tóraǵasy, Bas múftı Naýryzbaı qajy Taǵanulynyń buıryǵymen jańa bas ımam taǵaıyndaldy. Juma namazyna jıylǵan jamaǵat aldynda QMDB naıb múftıi Ershat Ońǵarov Bas múftı buıryǵyn oqyp, jańa bas ımamdy tanystyryp ótti.

QMDB tóraǵasy, Bas múftı Naýryzbaı qajy Taǵanulynyń buıryǵy boıynsha respýblıkalyq «Áziret Sultan» meshitiniń jáne QMDB Nur-Sultan qalasy ókildiginiń Bas ımamy bolyp Júsipov Erbolat taǵaıyndaldy. Bas meshit jamaǵatyna jańa bas ımam jaıly qysqasha málimet berip ótken naıb múftı Erbolat Júsipovti jańa qyzmetimen quttyqtap, sáttilik tiledi.

JÚSIPOV ERBOLAT NURYLDAULY

1977 jyly 8-jeltoqsanda Qyzylorda oblysy, Qazaly aýdanynda dúnıege kelgen. Úılengen, 3 balasy bar.

BILIM JOLY:

1995-97 jyldary Ońtústik Qazaqstan oblysy, Saryaǵash aýdany, Yntymaq sovhozy «Taıaqty ıshan» meshiti janyndaǵy medresede dinı saýatyn ashqan.

1997-2001 jyldary Qyzylorda qalasy «Qorqyt ata atyndaǵy Qyzylorda memlekettik ýnıversıtetiniń Ekonomıka fakýltetin támamdaǵan.

2001-03 jyldary Sırııa, Damask qalasyndaǵy sheteldikterge arnalǵan arab tili ınstıtýtynyń tolyq kýrsyn aıaqtaǵan.

2012-14 jyldary «Nur Múbárak» ıslam mádenıeti ýnıversıtetiniń «Dintaný» mamandyǵy boıynsha magıstratýra támamdaǵan.

2014-16 «Nur Múbárak» Islam mádenıeti ýnıversıtetiniń «Islamtaný» mamandyǵy boıynsha magıstrlik bilim alyp shyqqan.

EŃBEK JOLY:

2006-12 jyldary ShQO, Óskemen qalasy meshitterinde ustaz bolyp qyzmet atqarǵan.

2013 jyly Mysyr elindegi ál-Azhar ýnıversıtetinde tájirıbelik jetildirý kýrsynan ótken.

2015 jyly Malaızııa Terenganý qalasyndaǵy «Sultan Zaınýl Abıdın» ýnıversıtetinde tájirıbelik jetildirý kýrsynan aıaqtaǵan.

2013-16 jyldary Almaty qalasy, Alataý aýdandyq «Zarıa Vostoka» meshitinde naıb ımam qyzmetin atqarǵan.

2016-19 jyldary Aqtóbe oblysy, Muǵaljar aýdany, «Nurtaı» Ortalyq meshitiniń bas ımamy bolyp jumys jasaǵan.

2019-2020 jyldary respýblıkalyq «Áziret Sultan» meshitiniń naıb ımamy bolyp qyzmet atqarǵan.

2020 jyldyń 21-aqpanynan bastap respýblıkalyq «Áziret Sultan» meshitiniń Bas ımamy.

MARAPATTARY:

2016 jyly QMDB tóraǵasy, Bas múftı Erjan qajy Malǵajyulynyń «Alǵys hatymen» marapattalǵan.

2017 jyly Aqtóbe oblysy, Muǵaljar aýdanynyń «Jyl adamy» ataǵyn ıelengen.

2018 jyly Aqtóbe oblysynyń ákimi B.Saparbaevtyń «Alǵys hatymen» marapattalǵan.