«Áziret Sultan» meshitindegi jeksenbilik ýaǵyzdar qaıta bastaldy (FOTO)

Astana qalasyndaǵy respýblıkalyq «Áziret Sultan» meshitinde jańa oqý jylynyń bastalýyna oraı dástúrli túrde ótkiziletin jeksenbilik ýaǵyzdar qaıta jalǵasyn tapty. Jyl saıyn 500-den astam jan dinı saýatyn ashyp, hat tanyp shyǵatyn «Áziret Sultan» meshitinde shákirtter ıgiligi úshin birqatar mańyzdy sharalar bekitilgen bolatyn. Osy sharalardyń biri retinde ár jeksenbi saıyn meshit shákirtteri úshin arnaıy kezdesý uıymdastyrylyp, bilikti ustazdar men ımamdar ýaǵyz jumysyn júrgizip keledi.

Jańa oqý jylyndaǵy alǵashqy jeksenbi ýaǵyzyn «Áziret Sultan» meshitiniń birinshi naıb ımamy Qanat Qydyrmın ótkizdi. «Jan tazalyǵy» taqyrybynda oı tolǵaǵan Qanat ustaz musylman balasy úshin rýhanı kemeldikke jetý  joldary men jan dúnıe tazalyǵynyń qanshalyqty mańyzdy ekenin áserli túrde jetkizdi. Nápsi qalaýlarynan tyıylyp, nıet pen peıildi tazartýǵa qatysty ǵulamalar nasıhatynan da keńes keltire ketti. Kezdesý sońynda shákirtterdiń suraǵyna kezek berilip, tushymdy jaýaptarmen almasty.

Sondaı-aq, bekitilgen dástúr boıynsha ýaǵyz jumysynan soń shákirtter qaýymyna dastarhan jaıylyp, as berildi. Dastarhan basynda órbigen rýhanı májilis shákirtter arasyndaǵy tanystyqty arttyra túskeni sózsiz.