«Áziret Sultan» meshitindegi tigin úıirmesiniń túlekteri sertıfıkatqa ıe boldy (FOTO)

Búgin Nur-Sultan qalasyndaǵy respýblıkalyq «Áziret Sultan» meshitinde aıtýly shara bolyp ótti. Áıel shákirtterge arnalyp ashylǵan «Altyn ıne» tegin tigin úıirmesiniń kezekti túlekteri oqý kýrsyn támamdap, arnaıy sertıfıkatqa ıe boldy.

Esterińizge sala keteıik, osy jyly qasıetti Ramazan aıynyń qarsańynda Nur-Sultan qalasynyń bas ımamy Naýryzbaı qajy Taǵanulynyń bastamasymen «Áziret Sultan» meshitinde jamaǵatqa arnalǵan tegin tigin kýrsy ashylǵan bolatyn. Shákirtterdi tigin óneriniń syryna qanyqtyryp, sheberlikke shynyqtyrǵan úıirme jetekshisi Rahmetova Saltanat osy jolǵy túlekterdiń de «Áıeldiń bazalyq kıimderin pishý jáne qurastyrý tehnologııasy» boıynsha oqý baǵdarlamasyn tolyǵymen támamdaǵanyn aıtady. Úıirme shákirtteri arasynda jasy jer ortadan asqan apalardan bastap, oqýshy qyzdar da bar kórinedi.

Saltanatty sharaǵa arnaıy qatysqan «Áziret Sultan» meshitiniń naıb ımamy Baqytjan Ótkelbaev úıirme shákirtterin búgingi qýanyshtarymen quttyqtady. Asyl dinimizdiń áıel zatyna degen aıryqsha qurmetimen qatar, mindeti de bar ekenin tilge tıek etken naıb múftı tiginshilik ónerin meńgerip, boıyna jaqsy qasıetterdi jınaýǵa tyrysqan jamaǵatqa óz rızashylyǵyn bildirdi. 

Shara aıasynda «Áziret Sultan» meshiniń ustazy Dınara Nurǵalıeva da úıirme shákirtterine quttyqtaýyn lebizin bildirip, meshittiń áıel jamaǵaty úshin jasalatyn túrli sharalar men kezdesýler, ýaǵyz-nasıhat jumystary men dinı dáristerden bólek, arnaıy semınar-trenıngter men úıirmeler jumysy da jalǵasatynyn jetkizdi.

Sýretterdi «FOTOGALEREIa» aıdarynan kóre alasyzdar!