«Áziret Sultan» meshitindegi mereke ulttyq naqyshta árlene tústi (FOTO)

Qasıetti qurban aıt merekesi respýblıkalyq «Áziret Sultan» meshitinde ulttyq naqyshta ulyqtaldy. Aıt namazyn oqyp bolǵan jamaǵatty meshit aýlasyndaǵy mereke kútip aldy. Qulshylyq ordasynyń qos qanatyna tigilgen appaq qazaq úıler alystan kóz tartyp, búgin mereke ekenin aıqyndaı túskendeı. Qaz-qatar tizilgen qaıyrymdylyq jármeńkesiniń sóreleri de búgingi merekeniń sánin arttyryp, jamaǵatqa óz jylýyn syılady.

Budan bólek, jamaǵat arasynda ulyq mereke qurmetine oraı ulttyq sport túrlerinen saıys uıymdastyryldy. Atap aıtqanda, merekege jıylǵan jamaǵat arasynda arqan tartys, qol kúresi, gir kóterý jáne asyq oıyndary boıynsha saıystar uıymdastyrylyp, jeńimpaz anyqtaldy. Kóp arasynan sýyrylyp shyǵyp, jeńimpaz atanǵan júrekti de bilekti jigitterge meshit atynan «Alǵys hat» tabystalyp, arnaıy júldelermen marapattaldy.

Sýretterdi «FOTOGALEREIa» aıdarynan kóre alasyzdar!