«ÁZIRET SULTAN» MEShITINDE JAZǴY SAÝAT AShÝ KÝRSYNYŃ JABYLÝ SALTANATY ÓTTI (FOTO)

Búgin «Áziret Sultan» meshitiniń «Imanı jaz-2024» jazǵy saýat ashý kýrsy óz jumysyn támamdap, shákirtterge saltanatty sertıfıkat tabystaý rásimin ótkizdi.

Sharaǵa QMDB Oqý-aǵartý bóliminiń basshysy Hasan Amanqul, Astana qalasynyń ókili, «Áziret Sultan» meshitiniń bas ımamy Erbolat Júsipov pen din qyzmetkerleri, shákirtter men ata-analar, kýrs boıy dáris berip kelgen ustazdar qaýymy qatysty.

Aıta ketsek, oqýshylardyń mekteptegi oqýy aıaqtalysymen elimizdegi qulshylyq ordalarynda dástúrli «Imanı jaz» jazǵy saýat ashý kýrsy ashylyp, elimiz boıynsha myńdaǵan búldirshin jazǵy demalystarynda paıdaly bilim alyp, ımandylyq nárimen sýsyndaýǵa kirisken bolatyn. Osy oraıda, Astana qalasyndaǵy «Áziret Sultan» meshitinde 10 maýsym kúni jazǵy saýat ashý kýrsy óz jumysyn bastaǵan bolatyn.

Kýrs baǵdarlamasy aıasynda búldirshinder arabsha hat tanyp, Quran oqýdy meńgerip qana qoımaı, ádep, ǵıbadat, dástúr sabaqtaryn da ótti. Sondaı-aq, ata-anany qurmetteý, bilim ıgerý, otandy súıý, jamandyqtan qashyq bolyp, jaqsylyq jasaýǵa talpyný sekildi túrli ıgi qasıetterdi boılaryna sińire túsý maqsatynda tálim-tárbıe jumystary da qarqyndy júrgizildi.

Búgin osyndaı kólemdi sharanyń túıiniń jasaı otyryp, Astana qalasynyń ókili, «Áziret Sultan» meshitiniń bas ımamy Erbolat Júsipov bastaǵan bir top ımamdar «Imanı jaz-2024» sharasynyń jabylý saltanatyn ótkizdi. Shákirtterge estelik sertıfıkattary tabystalyp, dáris bergen ustazdarǵa arnaıy aqshalaı syılyqtar men alǵys hattar berildi.

Sýretterdi «FOTOGALEREIa» aıdarynan kóre alasyzdar!

Источник: Aidos