«Áziret Sultan» meshitinde turaqty senbilik jumystary bastaldy (FOTO)

Qaharly qysty artqa qaldyrǵanymen, qulshylyq ordalarynyń kóktem jaqyndasymen jańa máselege tap bolatyny bar. Kúmbezderdiń oıyqtana bitken pishine oraı meshit tóbesin qys boıy qar basyp, kóktem shyǵa kúrep tastamasa, erigen sýdyń eriksiz ishke sorǵalaıtyny sózsiz.

Bıylǵy jyly aqtútek borany basylmaı, qary qalyń túsken Nur-Sultan qalasyndaǵy meshitterdiń tóbesin tazalaý jumystaryn eki esege arta túskendeı. Osyǵan oraıda elimizdiń Bas meshiti – «Áziret Sultan» ordasynda ár apta saıyn turaqty túrde senbilik jumystary uıymdastyrylý ústinde.

Birneshe qabattan turatyn alyp meshittiń shatyr aýmaǵy da aıtarlyqtaı úlken. Ár aptanyń senbi kúnderi meshit qyzmetkerleri men jamaǵaty, shákirtter toby uıymdasqan túrde saýapty iske atsalysyp, súıikti meshitteriniń jaǵdaıyna janashyrlyq tanytyp keledi.

Senbilik jumysy aldaǵy birneshe apta boıy jalǵasatyn bolmaq. Saýapty iske úlesin qosamyn degen elordalyqtar ár senbi saǵat 10.00-de «Áziret Sultan» meshitine kelse bolady.

Sýretterdi «FOTOGALEREIa» aıdarynan kóre alasyzdar!