«ÁZIRET SULTAN» MEShITINDE «TAZA QAZAQSTAN» AKTsIIaSY AIaSYNDA SENBILIK ÓTTI

Astana qalasynyń bas ımamy Nurbek qajy Áýeshanulynyń basshylyǵymen «Áziret Sultan» meshitinde «Taza Qazaqstan» aktsııasy aıasynda senbilik uıymdastyryldy.

Igi is-sharaǵa meshit qyzmetkerleri men jamaǵat qatysyp, meshittiń syrtqy aýmaǵyn tazalap, abattandyrý jumystaryn júrgizdi. Al áıel ustazdar men qyz-kelinshekter jamaǵaty meshit ǵımaratynyń syrtqy qasbetterin, namaz zaldaryn, dáris bólmeleri men dáret alý oryndaryn tazalap, retke keltirdi.

Aıta keteıik, «Taza Qazaqstan» – Memleket basshysy Qasym-Jomart Toqaevtyń bastamasymen júzege asyrylyp jatqan jalpyulttyq Ekologııalyq aktsııa. Onyń negizgi maqsaty – qorshaǵan ortany qorǵaý, halyqtyń Ekologııalyq mádenıetin qalyptastyrý, týǵan jerge janashyrlyqpen qaraý jáne azamattardyń tazalyq pen abattandyrý jumystaryna belsendi qatysýyn arttyrý.

Islam dininde tazalyqqa erekshe mán beriledi. Tazalyq – musylmannyń kúndelikti ómirindegi mańyzdy ustanymdardyń biri. Qorshaǵan ortany taza ustaý, qoǵamdyq oryndarǵa uqyptylyqpen qaraý jáne aınalaǵa zııan keltirmeý – ár adamnyń jaýapkershiligi.