«Áziret Sultan» meshitinde qaıyrymdylyq dúkeni ashyldy (FOTO+VIDEO)

Qasıetti Ramazan aıynyń sońǵy kúnderi respýblıkalyq «Áziret Sultan» meshitinde ıgi sharalardyń qatary kóbeıip, jamaǵat ıgiligi úshin birqatar sharalar jasaldy. Solardyń biri – respýblıkalyq Bas meshitte jamaǵatqa arnalǵan «Rahmet» qaıyrymdylyq dúkeni ashylyp otyr.

QMDB tóraǵasynyń birinshi orynbasary, naıb múftı Naýryzbaı qajy Taǵanulynyń bastamasymen iske qosylǵan qaıyrymdylyq dúkeninde demeýshi jandar ákelip ótkizgen túrli kıim-keshekter jýylyp-tazartylǵannan keıin arnaıy dúken sórelerine qoıylyp otyratyn bolmaq. Muqtaj jandar ózderine qajetti kıim túrin osy jerden tańdap alyp otyratyn bolady.