«Áziret Sultan» meshitinde Qadir túninde Quran hatym batasy jasaldy (FOTO+VIDEO)
Búgin elimizdiń musylman jamaǵaty qasıetti Ramazan aıynyń 27-juldyzyna dóp kelgen Qadir túnin qarsy alyp, qulshylyqpen tún ótkizdi. Bul túni elimizdiń Bas meshitine jıylǵan qalyń jamaǵat Qadir túnin erekshe yqylaspen ótkerip, jamaǵatpen birge Quran hatym batasyna qatysty.
Bas meshittegi berekeli keshke QMDB tóraǵasy, Bas múftı Serikbaı qajy Oraz ben Din isteri jáne azamattyq qoǵam mınıstri Darhan Qaletaev qatysyp, jamaǵatty qasıetti Qadir túnimen quttyqtady. Quptan namazynan soń qalyń jamaǵatqa túnderdiń tóresi bolǵan qasıetti Qadir túni týrasynda ýaǵyz aıtyp, múbárak túndi qulshylyqpen ótkizýge úndedi. Elimiz ben jerimizdiń amandyǵyn tilep, qasıetti túnde qazaq eli úshin duǵa jasaýǵa shaqyrdy.
Qadirli keshte elimizdiń Bas meshitindegi taraýıh namazdaryna ımamdyq etken qarılarymyz qasıetti Quran Kárimdi támamdap, QMDB tóraǵasynyń birinshi orynbasary, «Áziret Sultan» meshitiniń bas ımamy Naýryzbaı qajy Taǵanuly hatym duǵasyn jasady. Sondaı-aq, Bas meshit jamaǵatyn Ramazan aıy boıy Quran áýezimen terbetip, taraýıh namazdarynda ımamdyq etken qarılarǵa qurmet kórsetip, meshit atynan shapan jaýyp, «Alǵys hat» tabystady.
Budan keıin Naýryzbaı qajy Taǵanuly Qadir túniniń qadir-qasıeti jaıynda kórkem ýaǵyz júrgizip, kópshilikti qulshylyqqa talpyndyra tústi. Qadir túnindegi abzal amaldar jaıly aqparat berip, Quran aıattary men Paıǵambar (s.ǵ.s.) hadısterinen ónege keltirgen naıb múftı ýaǵyzynyń qalyń jamaǵaty úshin paıdasy orasan bolǵandaı. Budan keıin meshit minberine kóterilgen Ǵazız Ahmet, qanat qydyrmın sekildi «Áziret Sultan» meshitiniń naıb ımamdarynyń da ýaǵyzy da jamaǵatqa tereń oı salyp, ıman lázzatyn sezine túsýge septikterin tıgizdi.
Arasynda erkin qulshylyqqa ýaqyt berilip, meshit ımamdarynyń túrli taqyryptaǵy ýaǵyzdarymen árlene túsken Qadir túniniń barlyq baǵdarlamasy bıylǵy jyly qulshylyq ordasynyń syrtyna ornatylǵan úsh LED Ekran arqyly jamaǵatqa jetkizilip, ishtegi ýaǵyz qaz-qalpynda syrttaǵy jamaǵatqa tikeleı kórsetilip otyrdy.
Bas meshittegi Qadir túninde bıylǵy jyly taǵy bir erekshe bastama oryn aldy. Bas ımam usynysymen bıylǵy jyly Qadir túniniń qurmetine oraı 4 500 adamǵa tegin sáresi taratylyp, saýaptar eselene túsetin qadirli túnde saýapty shara atqaryldy.
Sýretterdi «FOTOGALEREIa» aıdarynan kóre alasyzdar!
