«Áziret Sultan» meshitinde Prezıdent joldaýyna oraı otyrys ótti (FOTO)

Memleket basshysy Qasym-Jomart Toqaevtyń Parlament Palatalarynyń birlesken otyrysynda  aıtqan Qazaqstan halqyna joldaýyna oraı búgin respýblıkalyq «Áziret Sultan» meshitinde alqaly otyrys ótti. «Jańa jaǵdaıdaǵy Qazaqstan: is-qımyl kezeńi» dep atalatyn Prezıdent joldaýyndaǵy aıtylǵan basty máseleler boıynsha jumys jospary talqylanyp, qyzmetkerler usynysy tyńdaldy.

«Áziret Sultan» meshitiniń bas ımamy Erbolat Júsipov jańa joldaýdyń mańyzdylyǵyn atap ótip, Memleket basshysynyń joldaýyndaǵy aýqymdy ári kúrdeli sharýalarǵa belsene úles qosýǵa shaqyrdy. Atap aıtqanda, Qasym-Jomart Kemelulynyń jańa joldaýyndaǵy «ULTTYŃ JAŃA BOLMYSY» bóliminde aıtylǵan asyl qasıetterdi ult boıyna sińirip, elimizdiń ár azamaty bilimdi de eńbekqor, ádilet súıgish, temirdeı tártipti, uqypty da adal bolyp ósýine erekshe eńbek sińirý kerektigi aıtyldy.

Osy oraıda, Qazaqstan musylmandary dinı basqarmasynyń jaqynda qabyldaǵan «Rýhanı jeti qazyq» qujatyna sáıkes júrgizilip kele jatqan ýaǵyz-nasıhat, aǵartý jumystaryn ary qaraı jalǵastyrý jaıy pysyqtaldy.