«ÁZIRET SULTAN» MEShITINDE OTBASYLARǴA ARNALǴAN SEMINAR ÓTTI (FOTO)

«Áziret Sultan» meshitinde «Baqytty otbasy – dástúr qundylyǵynan» taqyrybynda semınar bolyp ótti.

Sharaǵa Qazaqstan musylmandary dinı basqarmasynyń tóraǵasy Naýryzbaı qajy Taǵanuly, Astana qalasynyń ókili Erbolat júsipov bastaǵan meshittiń din qyzmetkerleri jáne jas otbasylar men qarııalar qaýymy qatysty.

Sharada Bas múftı otbasylarǵa óziniń aqyl-keńesi men nasıhatyn aıta otyryp, ajyrasý sekildi qoǵam úshin qasiretti qubylystardyń aldyn alýǵa shaqyrdy. Erli-zaıyptylardy yntymaǵy men berekesi uıysqan januıa bolýǵa shaqyrdy.

Sharada Bas múftı tusaýkeser rásimine qatysyp, búldirshinniń bolashaǵy úshin duǵa jasap, syı-sııapat berdi. Artynsha azan shaqyryp at qoıý, neke qııý rásimderi de ótkizildi.

Sondaı-aq, qatysýshylar arasynda din men dástúr aıasynda vıktorınalyq suraqtar oıyny ótti. Eki kezeńnen turatyn saıysta áýeli sheshýi ońaı suraqtar qoıylyp, jaýap berýshilerdiń barlyqtaryna arnaıy syılyqtar úlestirildi. Al, ekinshi kezeńde 7 kúrdelirek suraqtar qoıylyp, onyń barlyq qatysýshylaryna shıpajaıǵa joldamalar berildi.

Astana qalasynyń ókili, «Áziret Sultan» meshitiniń Bas ımamy Erbolat Júsipov árbir jupqa nasıhat aıta otyryp, otbasy degen qasıetti uǵymǵa úlken jaýapkershilikpen qaraýǵa shaqyrdy.

Kesh sońynda aqsaqaldar batasyn berip, elimizdegi árbir otbasyǵa Alla Taǵala baq pen bereke bersin dep duǵa-tilek jasaldy.