«ÁZIRET SULTAN» MEShITINDE ELORDA USTAZDARYNYŃ  KEZEKTI  OTYRYSY ÓTTI (FOTO)

«Áziret Sultan» meshitinde Astana qalasynyń Bas ımamy Erbolat Júsipovtiń qatysýymen Elorda ustazdarynyń  kezekti ujymdyq jıyny ótti.

Astana qalasy meshitteriniń áıel ustazdary túgel bas qosqan jıynda kún tártibinde turǵan jyldyq jospardyń oryndalý barysy qadaǵalanyp, QMDB tarapynan júktelgen tapsyrmalar talqylandy.

Sondaı-aq, ókil ımam Erbolat Nuryldauly áıel ustazdar qaýymyna aldaǵy qarasha aıynda ótetin is-sharalar týraly taǵy bir eskertip, óziniń usynystary men aqyl-keńesterin aıtty.

Artynsha «Áziret Sultan» meshitiniń ustazy, «Ájeler mektebi» klýbynyń jetekshisi Kúlsara Beket jıyndy ar qaraı jalǵastyra otyryp, ustazdar tarapynan negizgi josparlar men mindettemeler talqylandy.