«ÁZIRET SULTAN» MEShITINDE EKI BIRDEI EŃBEKTIŃ TUSAÝKESERI ÓTTI (FOTO)

Astana qalasy ókildigi, «Áziret Sultan» meshitiniń muslim.kz saıtynda redaktor bolyp qyzmet atqaratyn, Qazaqstan jazýshylar odaǵynyń múshesi, ondaǵan eńbektiń avtory Amantaı Toıshybaıulynyń qalamynan týǵan «Ómir súr», «Aıtylmaǵan sózder» kitabynyń tusaýkeser rásimi ótti.

Igi sharaǵa Astana qalasynyń ókili, «Áziret Sultan» meshitiniń bas ımamy Erbolat Júsipov pen aqsaqaldar, aq jaýlyqty ájeler, meshittiń ımam, ustazdary men shákirtteri qatysty.

Jamaǵatqa eńbektiń qundylyǵy túsindirilip, kitaptyń qysqasha mazmuny tanystyryldy. Sondaı-aq, aqsaqaldar tarapynan kitaptyń lentasy qıylyp, jıynǵa qatysqan jamaǵatqa taratyldy.

Meshit ujymy aqsaqalǵa qazaqy dástúrmen ıyǵyna aq shapan jaýyp, qurmet kórsetti. Sondaı-aq, shyǵarmashylyq jolynda tolaǵaı tabystar tiledi.

Источник: Aidos