«ÁZIRET SULTAN» MEShITINDE «ATALAR MEKTEBI» AIaSYNDA TANYMDYQ KEZDESÝ ÓTTI

Astana qalasy ókildiginiń Din jáne otbasy baǵyty aıasynda «Áziret Sultan» meshitinde «Atalar mektebi» jobasy sheńberinde tanymdyq kezdesý uıymdastyryldy.

Jıyn barysynda meshittiń ne sebepti Qoja Ahmet Iasaýı esimimen baılanysty atalǵany sondaı-aq halyq arasynda «Áziret Sultan» dep tanylǵan uly tulǵanyń qazaq dalasyndaǵy jáne búkil túrki halyqtary arasyndaǵy dinniń damýyna qosqan súbeli úlesi jaıynda keńinen sóz qozǵaldy.

Kezdesý barysynda meshittiń naıb ımamy Abdýlahad Smanov Qoja Ahmet Iasaýı babamyzdyń taǵylymdy murasy men tereń bilimi búgingi qoǵam úshin de ózektiligin joǵaltpaǵanyn atap ótti.

Taǵylymdy basqosý barysynda úlkender ónegesi men rýhanı qundylyqtardy dáripteý, jastarǵa úlgi bolarlyq nasıhat aıtý máseleleri de sóz boldy. Mundaı kezdesýler urpaqtar sabaqtastyǵyn nyǵaıtyp, ulttyq jáne dinı qundylyqtardy dáripteýge baǵyttalǵan mańyzdy sharalardyń biri ekeni aıtyldy.

Источник: Aisha