«ÁZIRET SULTAN» MEShITINDE «ÁSh-ShÁMÁIL MUHAMMADIIa» KITABY BOIYNShA DÁRISTER TsIKLI AIaQTALDY

Astana qalasynyń bas ımamy Nurbek qajy Áýeshanulynyń bastamasymen qasıetti Máýlit aıynyń qurmetine uıymdastyrylǵan «Ásh-Shámáıl Muhammadııa» kitaby boıynsha dárister tsıkli óz máresine jetti.

Máýlit aıynda bastalǵan rýhanı sabaqtardyń maqsaty – jamaǵatqa eki dúnıe sardary, Alla elshisi Muhammedtiń (oǵan Allanyń salaýaty men sálemi bolsyn) ómir jolyn, kórkem minezi men ónegeli ǵumyryn keńinen tanystyrý.

«Ásh-Shámáıl Muhammadııa» kitabynda keltirilgen hadıster negizinde meshit ımamdary jamaǵatqa Paıǵambarymyzdyń kórkem minezin, qarapaıymdylyǵyn, qulshylyqtaǵy yqylasyn jáne adamdarmen qarym-qatynasyndaǵy ónegesin túsindirdi.

Dárister arqyly jamaǵat Alla elshisiniń súnnetin tereńirek tanyp, onyń ádebi men adamgershilik qasıetterin kúndelikti ómirde basshylyqqa alýdyń mańyzyn uǵyndy.

Источник: Aisha