«ÁZIRET SULTAN» MEShITINDE 630 ÁIEL ShÁKIRT JAŃA OQÝ MAÝSYMYN BASTADY (FOTO)

«Áziret Sultan» meshitinde Astana qalasy ókildigi «Áıel-qyzdar» sektorynyń uıymdastyrýymen Quran álippesi, arab tili, aqıda, fıqh pánderi boıynsha dáristerge áıel shákirtterdiń jańa legin qabyldaý rásimi ótti.

Is-sharaǵa Astana qalasynyń bas ımamy Erbolat Júsipov, «Áziret Sultan» meshitiniń naıb ımamy Jumanazar Sadyrhanov, Astana qalasy «Áıel-qyzdar» sektorynyń jetekshisi Kúlsara Beket jáne basqa da meshit qyzmetkerleri men áıel jamaǵaty qatysty.

Jıynda basynda «Áziret Sultan» meshitiniń azanshysy, qarı Musabek Erkinbek Quran aıattaryn oqyp, kópshilikpen duǵa jasaldy. Qala bas ımamy Erbolat Nuryldauly quttyqtaý sóz sóılep, bilim alýdyń mańyzdylyǵyna toqtaldy. Dinı bilimderdi ıgerýdiń qoǵamdaǵy rýhanı tárbıe men adamgershilik qundylyqtardy qalyptastyrýdaǵy mańyzyn atap ótti.

Astana qalasy «Áıel-qyzdar» sektorynyń jetekshisi Kúlsara Beket jańa oqý maýsymynyń baǵdarlamasymen tanystyryp, sabaqtar tájirıbeli ustazdardyń jetekshiligimen ótetinin atap ótti. Dárister aptanyń belgili kúnderinde ótkizilip, árbir shákirtke jeke kóńil bólinetini aıtyldy.

Aıta keteıik, jańa oqý maýsymynda bilim alýǵa nıet bildirgen 630 áıel shákirt tirkeldi. Ustazdar qaýymy shákirtterge sáttilik tilep, oqý barysynda izdenimpazdyq pen tabandylyq tanytýǵa shaqyrdy.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aidos