«Áziret Sultan» meshiti 80 otbasyǵa azyq-túlik taratty (FOTO+VIDEO)
Búgin respýblıkalyq «Áziret Sultan» meshitiniń uıymdastyrýymen Elordamyzdaǵy muqtaj otbasylarǵa járdem kórsetildi. Meshit qyzmetkerleriniń uıytqy bolýymen «Gentelmen’s club» belsendiler toby ıgi sharaǵa atsalysyp, 80 otbasyǵa azyq-túlik qory jáne de medıtsınalyq betperdeler taratyldy.
El basyna kún týǵan qysyltaıań shaqta elimizdegi qulshylyq ordalary qaıyrymdylyq sharalaryn barynsha kúsheıtip, muqtaj jandarǵa meılinshe jaqyn bolýǵa tyrysyp keledi. Buǵan deıin de QMDB Nur-Sultan ókildiginiń qyzmetkerleri birneshe márte demeýshi jamaǵattyń qoldaýymen qaıyrymdylyq sharalaryn ótkizgen bolatyn. QMDB jumysynyń negizgi baǵyttarynyń biri – qaıyrymdylyq sharalaryn uıymdastyrýǵa elimizde jarııalanǵan tótenshe jaǵdaı rejımine oraı burynǵydan da basa mán berilip otyr.
Búgingi qaıyrymdylyq sharasyna QMDB tóraǵasy, Bas múftı Naýryzbaı qajy Taǵanulynyń bastamasymen «Áziret Sultan» meshitiniń bas ımamy Erbolat Júsipov bastaǵan ujym belsene atsalysyp, kelýshilerge jyly lebizderimen rýhanı qoldaý kórsetýge tyrysty. Aıta keteıik, qaıyrymdylyq sharasy aıasynda ár kelýshige salmaǵy 33 keli bolatyn, 2 tonna 640 kg-ǵa jýyq kúndelikti turmys-tirshilikke qajetti azyq-túlik sómkeleri taratyldy.
Sýretterdi «FOTOGALEREIa» aıdarynan kóre alasyzdar!
