«ÁZIRET SULTAN» MEShITI 500 JANǴA ALǴAShQY AÝYZAShAR DASTARHANYN JAIDY (FOTO)

Qasıetti Ramazan aıynyń kelýimen «Áziret Sultan» meshitinde jamaǵatqa arnalǵan alǵashqy aýyzashar dastarhany jaıyldy.

Igi iske uıytqy bolǵan demeýshi jandardyń qoldaýymen kún saıyn 500 adamǵa tegin aýyzashar berilmek. Bul saýapty shara qasıetti aıdyń sońyna deıin jalǵasady.

Alǵashqy aýyzasharǵa jınalǵan qaýymǵa meshit ustazy Shalqar Joldy Ramazan aıynyń rýhanı máni men taǵylymy týraly nasıhat aıtyp, orazanyń artyqshylyqtary jaıynda keńinen baıandady. Sonymen qatar, jamaǵatqa paıdaly keńesterin usynyp, qasıetti aıdy barynsha saýappen ótkizýge úndedi.

Kesh sońynda aýyzashar dastarhanyn uıymdastyrýǵa úles qosqan jomart jandarǵa aqsaqaldar aq batasyn berip, el amandyǵy men bereke-birlik tilep duǵa jasady.

Sýretterdi tolyǵyraq «FOTOGALEREIa» aıdarynan kóre alasyzdar!