«Áziret Sultan» meshiti 500 otbasyǵa aıttyq taratty (FOTO)

Búgin, qasıetti Oraza aıt merekesiniń qurmetine oraı respýblıkalyq «Áziret Sultan» meshiti  «Aıttyq bizden bolsyn!» atty dástúrli qaıyrymdylyq sharasyn ótkizdi. Jyl saıyn Oraza aıt merekesinde ótkiziletin bul shara aıasynda Elordamyzdaǵy turmysy tómen otbasylarǵa mereke meıirin sezindirý maqsatynda azyq-túlik qory toltyrylǵan «aıttyq sómkeleri» taratylyp keledi.

Bıylǵy jyly aktsııa aıasy áldeqaıda keńeıip, Elordamyzdaǵy 500 otbasyǵa kómek kórsetilip otyr. QMDB tóraǵasynyń birinshi orynbasary, naıb múftı, «Áziret Sultan» meshitiniń bas ımamy Naýryzbaı qajy Taǵanuly aktsııaǵa jıylǵan jandardy Oraza aıtpen quttyqtap, mereıli merekedegi meshit atynan berilip otyrǵan «aıttyq sómkelerin» tabystady. Aıta keteıik, «aıttyq sómkelerinde kúndelikti turmysqa qajetti azyq-túlik túrleri túgeldeı salynǵan.