«ÁZIRET SULTAN» MEShITI 31 OTBASYǴA QAIYRYMDYLYQ KÓMEK KÓRSETTI

Qaıyrymdylyq – qoǵamdaǵy ózara janashyrlyq pen baýyrmaldyqty arttyratyn izgi amaldardyń biri. Osy baǵyttaǵy ıgi sharalardyń biri Astana qalasyndaǵy «Ás-Sálam» meshitinde uıymdastyryldy.

«Áziret Sultan» meshitiniń uıymdastyrýymen áleýmettik qoldaýdy qajet etetin 31 otbasyǵa qaıyrymdylyq kómek kórsetildi. Igi bastama muqtaj jandarǵa qoldaý bildirip, olardyń turmysyna az da bolsa demeý bolý maqsatynda uıymdastyryldy.

Qaıyrymdylyq is-sharasyna «Zeket jáne qaıyrymdylyq» qorynyń Astana qalasy boıynsha jaýapty mamany Nurbol Orazbaı, «Áziret Sultan» meshitiniń ustazy Raqymqazy Qabdysalym jáne «Ás-Sálam» meshitiniń ımamy Dastan Zııashuly qatysty.

Is-shara barysynda qasıetti Quran Kárim aıattary oqylyp, duǵa jasaldy. Din qyzmetkerleri qaıyrymdylyqtyń qoǵamdaǵy mańyzyna toqtalyp, muqtaj jandarǵa qol ushyn sozý – asyl dinimizdiń qundylyqtarynyń biri ekenin atap ótti.