«ÁZIRET SULTAN»: AÝYZAShAR DASTARHANYNDA ULTTYQ TAǴAMDAR QOIYLADY (FOTO)

Astana qalasyndaǵy «Áziret Sultan» meshiti qasıetti Ramazan aıyndaǵy aýyzashar dastarhandaryn barynsha ulttyq naqyshta uıymdastyrýdy kózdep otyr.

Meshit dastarhandarynda jent, baýyrsaq sekildi dámdermen qatar, beshbarmaq pen qýyrdaq sııaqty qazaqy as máziri engizildi. Ulttyq taǵamdar aýyzashardyń berekesin arttyryp, jamaǵatqa erekshe rýhanı ári mádenı atmosfera syılaıdy.

Bul ıgi is Qazaqstan musylmandary dinı basqarmasy tarapynan berilgen tapsyrma aıasynda júzege asyrylýda. Bastamanyń basty maqsaty – Ramazan aıyndaǵy saýapty amaldardy halqymyzdyń salt-dástúrimen ushtastyryp, ulttyq qundylyqtardy dáripteý.