Aııa-Sofııaǵa meshit mártebesi qaıta berilýi múmkin

Túrkııa prezıdenti Redjep Taıyp Erdoǵan Stambýl qalasyndaǵy Aııa-Sofııa ǵımaratyna meshit mártebesin qaıtarý týraly máselede asyǵystyq jasamaýǵa shaqyrdy. Ádildik jáne damý partııasynyń otyrysynda Erdoǵan bul máseleniń muqııat zerttelip, halyqtyq saýalnama júrgizilýi tıistigin eskertti.

Sondaı-aq, Túrkııa prezıdenti Aııa-Sofııaǵa meshit mertebesi qaıta qaıtarylǵan kúnniń ózinde týrıstterdiń burynǵydaı ǵımaratty emin-erkin tamashalaýǵa bolatynyn jetkizdi. Bul jóninde ol Sultanahmet alańyndaǵy Kógildir meshitti mysalǵa keltirip ótken.

Aıta keteıik, irgetasy 600 jyldary qalanǵan Aııa-Sofııa sobory Konstantınopoldi azat etý kezinde aman-esen saqtalyp, qorǵaýǵa alynǵan bolatyn. 1453 jyly ǵımaratqa meshit mártebesi berilip, bes ǵasyrǵa jýyq musylmandardyń súıikti qulshylyq ordasy retinde qyzmet atqaryp kelgen bolatyn. 1935 jyly Kemal Atatúriktiń buıryǵy boıynsha Aııa-Sofııa mýzeıge aınalǵan edi.