Aıt kúnderi dinı rásim atqarýǵa 30-dan astam ımam jumyldyrylady (FOTO)

Aıt kúnderi Nur-Sultan qalasynda qurban shalýǵa ruqsat etilgen 7 oryn belgilenip otyr. Sanıtarlyq tazalyǵy men qaýipisizdigi kóńil toıdyratyn bul jerler birneshe kúnnen soń pyshaǵyn qaırap, qurbandyǵyn saılap kelgen jamaǵatqa lyq tolatyn bolmaq. osyǵan oraı, QMDB Nur-Sultan ókildiginiń uıymdastyrýymen atalǵan jeti orynda 30-dan astam dinı maman qyzmet kórsetip, jamaǵatqa dinı rásimder jóninde kómek kórsetetin bolady.

Sharıǵat talaptaryn túsindirip, qurban shalýdyń hıkmeti men mańyzy jaıly uǵyndyra túsetin dinı qyzmetkerler eńbegi – aıt kúnderi halyq úshin tym qajet ekeni sózsiz. Osy oraıda naıb múftı Naýryzbaı qajy Taǵanuly bıylǵy jyly qurban shalynatyn oryndardaǵy qyzmet kórsetetin ımamdar qataryn kóbeıtip, halyq suranysyna oraı ázirlik jasalyp jatqanynan habardar etti.

Aıta keteıik, Nur-Sultan qalasy boıynsha aıt kúnderi tómende kórsetilgen 7 orynda qurbandyq shalýǵa bolady:

«Baıqońyr» aýdany:

«Nurbereke-555» JShS, Alash tas joly, 30 («Kók Bazardyń» artynda)
Jeke kásipker Esjanov A., «Jaılaý», Alash tas joly, Ts 313 kóshesi
«Shaýshen» sharýa qojalyǵy, Nur-Sultan – Pavlodar tas joly, 9-shaqyrym
«Temesh» sharýa qojalyǵy,  Nur-Sultan – Sofıevka tas joly, 7-shaqyrym.

«Saryarqa» aýdany:
«Uljan» ámbebap bazary, (burynǵy «Saıanýr» bazary)

«Esil» aýdany:
«Altyn Taǵa» bazary, Kosshy aýylynyń aldy

«Almaty» aýdany:
«Metro» saýda ortalyǵy (Astana-Karaǵandy tas joly)