Áıelder-qyzdar sektory Hatym duǵasyn jasady (FOTO)

Qazaqstan musylmandary dinı basqarmasynyń Nasıhat jáne qoǵammen baılanys bóliminiń Áıelder-qyzdar sektoryna qarasty «Nur Astana» meshitiniń «Jibek» qyz-kelinshekter klýbynyń músheleri de qasıetti aıda Quran Hatym jasady.

Ár jyldyń Ramazan aıynda Alla Elshisi (s.ǵ.s.) ýahıdy jetkizýshi, ulyq perishteniń biri Jábireıilge (ǵ.s.) Qurandy Hatym etip tapsyratyn bolǵan. Bul da azamzat tarıhynda altyn áriptermen jazylýǵa tıisti ónege, ǵıbraty mol aıyryqsha ýaqıǵa. Ramazan aıy osysymen de erekshe. Qasıetti Ramazan aıynda QMDB-nyń bastamshylyǵymen, elimizdegi barlyq qarılar el meshitterinde aı boıy Quran Hatym etedi. Bul ıgi bastama «Nur Astana» meshitinde de jylda atqarylar úrdiske aınalǵan.

Osy úrdiske áıelder qaýymy da óz úlesin qosýda. Klýb músheleri Áıelder-qyzdar sektorynyń Nur-Sultan qalasy boıynsha jaýapty qyzmetkeri, «Nur Astana» meshitiniń ustazy Dınara Nurǵalıevanyń bastamashylyǵymen meshit janyndaǵy Saýat ashý kýrsynda kúnige eki paradan oqydy. Osyǵan oraı, arnaıy Quran Hatym duǵasyn jasaǵan «Jibek» qyz-kelinshekter klýbynyń músheleri elimizge amandyq, jerimizge tynyshtyq, el halqyna bereke-birlik tiledi.