ÁIEL JAMAǴATYNA DINI EKSTREMIZM MEN RADIKALIZMNIŃ ALDYN ALÝ JOLDARY TÚSINDIRILDI

Qazaqstan musylmandary dinı basqarmasy Astana qalasy ókildigi Áıel-qyzdar sektorynyń uıymdastyrýymen áıel jamaǵatyna «Dinı Ekstremızm jáne radıkalızm» taqyrybynda semınar ótti.

Kezdesýge spıker retinde «Aq meshit» meshitiniń ustazy, ıslamtanýshy Aıgúl Bıtasqyzy qatysyp, atalǵan taqyryp aıasynda keńinen túsindirme jumystaryn júrgizdi. Dáris barysynda dinı Ekstremızm men radıkalızmniń qoǵamǵa tıgizer keri áseri, olardyń aldyn alý joldary, dástúrli ıslam qundylyqtaryn durys túsiný jáne dinı aqparatty senimdi derekkózderden alý máseleleri sóz boldy.

Sonymen qatar áıel jamaǵatyna dinı saýattylyqty arttyrýdyń mańyzy túsindirilip, túrli teris aǵymdardyń yqpalyna ermeý, kúmándi dinı aqparattan saqtaný jóninde ýaǵyz-nasıhat aıtyldy.

Is-sharanyń ótýine Astana qalasy Áıel-qyzdar sektorynyń jetekshisi Kúlsara Mamyrqyzy bastaǵan meshit ustazdary atsalysyp, qatysýshylarmen rýhanı-aǵartýshylyq baǵytta jumystar júrgizdi.

Semınar sońynda qatysýshylar ózderin tolǵandyrǵan saýaldaryn qoıyp, mamannan tıisti jaýaptar aldy.