Áıel jamaǵatyna arnalǵan semınar ótti (FOTO)

Respýblıkalyq «Áziret Sultan» meshitiniń shákirtteri men ustazdarynan quralǵan «Inabat» qyz-kelinshekter klýbynyń uıymdastyrýymen áıel jamaǵatyna arnalǵan semınar ótti.

«Qyz ben ul tárbıesi, ene men kelin qatynasy» taqyrybynda ótken semınarda qoǵam qaıratkeri, til janashyry, «Úsh baılyq» qoǵamdyq birlestiginiń basshysy Orazkúl Asanǵazy dáris oqydy.

Kezdesýde otbasyndaǵy bala tárbıesi men ene-kelin araqatynasynda eskerilýi tıis bolǵan jaıttar sóz etilip, qyz-kelinshekter úshin ǵıbratty keńester aıtyldy.

Kesh sońynda kelýshi qonaqqa QMDB tóraǵasynyń birinshi orynbasary, «Áziret Sultan» meshitiniń bas ımamy Naýryzbaı qajy Taǵanulynyń atynan arnaıy alǵys hat pen qasıetti Quran Kárim syıǵa berildi. Sondaı-aq, meshittiń turaqty jamaǵatyna aınalǵan aq jaýlyqty ájeler batasyn berdi.