Áıel jamaǵatyna arnalǵan onlaın saýat ashý kýrsy bastaldy (KESTE)

QMDB Nur-Sultan qalasy ókildigi boıynsha áıel jamaǵatyna arnalǵan Dinı saýat ashý kýrsy óz jumysyn bastady. Elordalyq áıel ustazdardyń uıytqy bolýymen qazan aıynan bastap, áleýmettik jeliler men zoom qosymshasy arqyly shákirtter toby jasaqtalyp, orys jáne qazaq tilindegi onlaın sabaqtar júıeli ótkizilip keledi. Ókildik tarapynan bekitilgen keste boıynsha barlyq ustazdar «Quran dáristeri», «Tájýıd dáristeri», «Iman negizderi» jáne «Aqıda negizderi» boıynsha sabaq ótkizedi.

Aıta keteıik, onlaın dinı saýat ashý sabaqtaryna tirkelip, jazylý áli de jalǵasý ústinde. Bir eskerer jaıt, juqpaly derttiń qaýpi seıilip, qalypty jaǵdaıǵa túsken kezde saýat ashý sabaqtary meshitte jalǵasyp, qazirgi tizim boıynsha topqa jikteletin bolmaq. Osy sebepti de, tirkeler aldynda ózińizge jaqyn ornalasqan meshit ustazyn tańdaǵandaryńyz durys.