Áıel ustazdardyń jańa oqý jylyna arnalǵan jospary talqylandy (FOTO)

Búgin Nur-Sultan qalasynyń bas ımamy Erbolat Júsipovtiń tóraǵalyǵymen Elorda meshitterindegi áıel ustazdardyń jalpy jınalysy ótti. Ókildik tarapynan jaýapty qyzmetkerler qatysqan jalpy jınalys barysynda jańa oqý jylynyń jospary talqylanyp, onlaın sabaqtar men dárister kestesi bekitildi.

Sondaı-aq, Dinı basqarma jumysynyń negizgi tórt baǵytynyń biri – qaıyrymdylyq sharalaryn da jandandyryp, áıelder jamaǵatyn jumyldyrý máselesi de qozǵaldy. Ustazdar usynǵan túrli jobalar kópshiliktiń talqysyna salynyp, aldaǵy jumys jospary túzildi. Buǵan qosa, QMDB Áıel-qyzdar sektorynyń jyldyq josparyna sáıkes berilgen tapsyrmalardyń oryndalý barysy tekserildi.

Sýretterdi «FOTOGALEREIa» aıdarynan kóre alasyzdar!