Áıel-qyzdar arasynda voleıboldan jarys ótti (FOTO)

Qazaqstan musylmandary dinı basqarmasynyń Nur-Sultan qalasy ókildigi jáne Áıel-qyzdar sektorynyń uıymdastyrýymen Táýelsizdiktiń 30 jyldyǵyna oraı voleıboldan «Táni saýdyń jany saý» atty sporttyq saıys ótti.

Jarysqa elorda meshitterinen jınalǵan áıel jamaǵaty qatysyp, baqtaryn synady. Qyzyqty da básekeli doda «Inabat», «Jibek», «Fırdaýs», «Báıterek» syndy tórt komanda arasynda órbidi.

Qazylar alqasy men tamashalaýǵa kelgen áıel-qyzdar tartysty oıynnyń kýási boldy. Nátıjede «Fırdaýs» komandasynyń qyzdary aıqyn basymdyqpen birinshi orynǵa ıe boldy. Barlyq qatysýshylarǵa arnaıy alǵys hattar men estelik kýboktary tabys etildi.

Aıta ketsek, Qazaqstan musylmandary dinı basqarmasynyń aıasynda áıel jamaǵatymen sporttyq saıystardyń ótýi úrdiske aınalǵan bolatyn. Tek pandemııa sebepti kejeýildep qalǵan ıgi dástúrdi Áıel-qyzdary sektorynyń ujymy karantın talaptaryn saqtaı otyryp, qaıta qolǵa alýǵa nıetti.

Sýretterdi «FOTOGALEREIa» aıdarynan kóre alasyzdar!