«AIBIKE» KLÝBYNYŃ MÚShELERI ONKOLOGIIa ORTALYǴYN ZIIaRAT ETTI (FOTO)
![](/img/news/17506cb720eb26b4992df2b3e4aa1fe5.jpeg)
«Áziret Sultan» meshitiniń «Inabat» jáne «al-Fattah» meshitiniń «Aıbıke» qyz-kelinshekter klýbtarynyń uıymdastyrýymen Astana qalasyna qarasty kópsalaly medıtsınalyq onkologııalyq dıspanser, polıterapııa ortalyǵyna zııarat jasaldy.
Igi sharaǵa ımam, ustazdar men jamaǵat atsalysty. Aýyzbirshiligi jarasqan eki meshit shákirtteri ıgi bastama aıasynda ortalyqtaǵy qaýipti isikpen aýyratyn, eń aýyr jaǵdaıda (4-kezeń) jatqan 40 naýqastyń kóńilin suraı bardy. Jáne eń qajetti kerek-jaraqtarmen qamtamasyz etildi. Ár naýqasqa jekeleı syı-sııapattar tabystalyp, kóńilderin kóterý maqsatynda án-shashý uıymdastyryldy.
Sondaı-aq, dárigerlerdiń ótinishi boıynsha osy ortalyqta aýyr dertpen jan tapsyrǵan marqumdardyń rýhtaryna arnaıy Quran Hatym duǵasy baǵyshtaldy.
Aıta ketsek, budan bylaı atalmysh ortalyqpen «al-Fattah» meshitiniń ımamdary birlesken túrde qyzmet (dem salý, Quran baǵyshtaý, rýhanı demeý berý t.b.) atqaratyn bolady.
Birlesip atqarylǵan jumys nátıjesinde jalpy somasy 1 000 000 teńgeni quraıtyn qarajat jumsaldy.