Aıbek Atashev – QMDB «Halal damý» JShS dırektory (FOTO)
Búgin Bas múftı Naýryzbaı qajy Taǵanulynyń buıryǵymen Aıbek Atashev QMDB-ǵa qarasty «Halal damý» JShS dırektory bolyp taǵaıyndaldy.
«Atashev Aıbek Asqarbekuly Bas múftı kómekshisi qyzmetinen bosatylyp, QMDB-ǵa qarasty «Halal damý» JShS dırektory qyzmetine taǵaıyndalsyn» delingen Bas múftı buıryǵynda.
Naýryzbaı qajy Taǵanuly Aıbek Asqarbekulyn resmı taǵaıyndaý rásiminde onyń din jáne memlekettik qyzmet salasyndaǵy eńbegin erekshe atap ótip, jańa qyzmetine sáttilik tiledi. Sonymen qatar, halal standarttaý salasy boıynsha jańa jobalardy júzege asyrýdy tapsyrdy.
Atashev Aıbek Asqarbekuly
1984 jyly týǵan.
Bilimi
2001 jyly orta mektepti bitirgen soń Almaty qalasy Shet tilderin oqytý ortalyǵynda «túrik, arab tilderi jáne ıslamtaný» mamandyqtary boıynsha bilim aldy.
2002-2006 jyldary Shymkent qalasynda «Otyrar» ýnıversıtetiniń «tarıhshy» mamandyǵyn úzdik dıplommen aıaqtady.
2006-2008 jyldary Almaty qalasynda Ál-Farabı atyndaǵy Qazaq Ulttyq ýnıversıtetiniń «Dintaný» mamandyǵy boıynsha magıstratýrasyn bitirdi.
Eńbek joly
2007-2010 jyldary Túrkııa Respýblıkasynyń Qazaqstandaǵy elshiliginde aýdarmashy-asıstent.
2010-2012 jyldary Astana qalasyndaǵy Qazaq Gýmanıtarlyq Zań ýnıversıteti «shet tilderi jáne aýdarma isi» kafedrasynda oqytýshy.
2012-2014 jyldary Qazaqstan musylmandary dinı basqarmasynyń «Zeket» qorynyń Astana qalasy boıynsha atqarýshy dırektory.
2014-2016 jyldary Atyraý oblysy ákimdiginiń «Shapaǵat» destrýktıvtik dinı aǵymdardan japa shekkenderge kómek ortalyǵynda teolog, dırektordyń orynbasary.
2016-2017 jyldary Atyraý oblysy ákimdiginiń Aqparattyq-taldaý ortalyǵynyń basshysy.
2014-2017 jyldary «Qazaqstan-Atyraý» telearnasynyń «Iman nury», «Nazar» dinı-tanymdyq telebaǵdarlamalarynyń redaktor-júrgizýshisi qyzmetterin qosa atqardy.
2017-2018 jyldary Astana qalasy ákimdiginiń «Din problemalaryn zertteý ortalyǵy» basshysynyń orynbasary.
2018 jyldan bastap Qazaqstan musylmandary dinı basqarmasynyń tóraǵasy, Bas múftıdiń kómekshisi qyzmetin atqardy.
2020 jyldyń 13 sáýirinen QMDB-ǵa qarasty «Halal damý» JShS dırektory qyzmetine taǵaıyndaldy.
Otbasylyq jaǵdaıy
Úılengen, eki qyzy, eki uly bar.
