Aýdan ákimi jańadan ashylǵan meshit jaǵdaıymen tanysty (FOTO)
El astanasy Nur-Sultan qalasyndaǵy Baıqońyr aýdanynda ótken aptada jańa meshit paıdalanýǵa berilip, qasıetti juma kúni jamaǵatqa esigin aıqara ashqan bolatyn. Qulshylyǵyn óteý qaladaǵy basqa meshitterge sabylyp, kópten beri «jaqyn jerden meshitimiz bolsa» degen halyqtyń tilegeni oryndalyp, «Ár-Rahman» meshitiniń ashylýy - tóńirektegi túgel jurttyń tóbesin kókke tıgizgendeı boldy.
Óndiris eldimekenin azanymen áldılep, aınalasyna shýaǵyn shasha túsken qulshlyq ordasyna búgin Baıqońyr aýdanynyń ákimi Esilov Asqar Sansyzbaıuly arnaıy kelip, meshit jaǵdaıymen tanysyp qaıtty. «Ár-Rahman» meshitiniń bas ımamy Rýslan Naqypbekulymen júzdesip, qulshylyq ordasynyń qysqa daıyndyǵy men qaýipsizdik, tazalyq máseleleri týrasynda keńes júrgizdi.
Qulshylyq ordasyn aralap kórip, meshit jumysyna sáttilik tilegen Asqar Sansyzbaıuly rýhanı ordanyń gúldene túsýine ákimdik tarapynan qashanda qoldaý kórsetetindikterin jetkizdi.
