«ATALAR MEKTEBI»: DIN MEN DÁSTÚR SABAQTASTYǴY DÁRIPTELDI

«Ál-Fattah» meshitinde «Atalar mektebiniń» kezekti taǵylymdy kezdesýi ótti. Din men dástúrdi sabaqtastyra otyryp, úlkenniń urpaq tárbıesindegi orny sóz bolǵan basqosýǵa meshit jamaǵaty qatysty.

Kezdesýde atanyń otbasyndaǵy orny, áýletke baǵyt-baǵdar berýdegi róli, urpaq tárbıesi jáne ulttyq qundylyqtardy keıingi býynǵa jetkizýdiń mańyzy jaıynda oı qozǵaldy.

Meshittiń bas ımamy Baǵdat Abdýkarımov aqsaqaldardyń qoǵamdaǵy ornyna toqtalyp, atadan qalǵan salt-dástúr men rýhanı qundylyqtardy keıingi býynǵa amanattaýdyń mańyzyn atap ótti.

Al meshittiń naıb ımamy Baqytjan Ótkelbaev otbasy tárbıesine oıysty. Ol shańyraqtaǵy úlken men kishiniń syılastyǵy, ata-ájeniń aqyl-keńesine qulaq asý jáne otbasyndaǵy bereke-birlikti saqtaýdyń máni jóninde sóz qozǵady.

Kesh sońynda kónekóz qarııalar eldiń birligi men berekesin, jurttyń tynyshtyǵyn tilep, bata jasady.

Источник: Aisha