ASTANADA QURBAN AITQA ORAI RÝHANI MEREKELIK KESh ÓTTI
Búgin Qazaqstan musylmandary dinı basqarmasynyń uıymdastyrýymen «Islam jáne adal qoǵam jyly» aıasynda Astana qalasynda «Qurban aıt – meıirim merekesi» atty rýhanı merekelik kesh ótti.
Merekelik sharaǵa Qazaqstan musylmandary dinı basqarmasynyń Tóraǵasy, Bas múftı, Naýryzbaı qajy Taǵanuly, zııaly qaýym ókilderi, qoǵam qaıratkerleri, din qyzmetkerleri men qala turǵyndary qatysty.
Kesh ulttyq qundylyqtardy dáriptegen taǵylymdy kórinistermen bastaldy. Foıede kúıshiler kúı tartyp, qonaqtarǵa ulttyq taǵamdar usynyldy. Sonymen qatar QMDB Astana qalasy ókildiginiń áıel-qyzdar sektorynyń uıymdastyrýymen ulttyq naqyshtaǵy kórme-jármeńke ótti.
Is-shara barysynda Bas múftı jamaǵatty qasıetti Qurban aıt merekesimen quttyqtap, bul ulyq meıramnyń musylman jurtshylyǵyn meıirimge, janashyrlyqqa, baýyrmaldyqqa jáne izgi amaldarǵa úndeıtinin atap ótti.
«Qazaqstan musylmandary dinı basqarmasy Qurban aıt merekesin ata-babamyzdan jalǵasyp kele jatqan dástúrimizge saı ótkizýge basa nazar aýdaryp otyr. Bul – dinimiz ben dástúrimizdi nasıhattaýdyń oraıly sáti dep sanaımyn. Sondyqtan barshamyz belsendilik tanytyp, aıt meıramyn joǵary deńgeıde ótkizýge atsalyssaq, bul bastama keler urpaqqa úlgi ári únemi jalǵasyn taba beretin ıgi dástúrge aınalady dep senemin.
Qasıetti aıt kúnderi ár shańyraqqa bereke, ár otbasyǵa amandyq tileımin. Alla Taǵala shalǵan qurbandyqtaryńyzdy, jasaǵan duǵa-tilekterińiz ben ıgi amaldaryńyzdy qabyl etsin!
Elimiz aman, jurtymyz tynysh, táýelsizdigimiz tuǵyrly bolǵaı! Jaratqan Iemiz halqymyzǵa baq-bereke, mol rızyq, yntymaq pen tatýlyq násip etsin! Qurban aıt merekesi qutty bolsyn!», – dedi Naýryzbaı qajy Taǵanuly.
Sondaı-aq Bas múftı bıyl jarııalanǵan «Islam jáne adal qoǵam jyly» aıasynda júzege asyrylyp jatqan rýhanı-aǵartýshylyq, qaıyrymdylyq jáne tárbıe baǵytyndaǵy jobalarǵa toqtalyp, qoǵamda adaldyq pen jaýapkershilik qaǵıdattaryn nyǵaıtýdyń mańyzdylyǵyna toqtaldy.
Kesh aıasynda qaıyrymdylyqqa negizdelgen «El úlesi – páterge» jobasy boıynsha baspana kilti tabystaldy. Sonymen qatar Astana qalasy áıel-qyzdar sektory «Mýzykalyq jas kórermen teatrymen» birlesip «Aǵaıyn tatý bolsa» atty taǵylymdy qoıylym usyndy.
Merekelik keshte jyrshy Elmura Jańabergen Turmaǵanbet Iztileýov pen Qarasaqal Erimbet shyǵarmalaryn oryndap, kórermenge rýhanı áser syılady. Budan bólek, din men dástúr taqyrybynda vıktorınalyq saýaldar qoıylyp, belsendi qatysýshylarǵa arnaıy syılyqtar tabystaldy.
Источник: Aisha
