Jyldaǵy úrdis boıynsha aýa-raıy kúrt sýytqan aıazdy kúnderi qalamyzdaǵy meshit qyzmetkerleri men jamaǵaty bir kisideı birigip, jolda qalǵan kisilerge tegin kólik qyzmetin, al kúnniń sýyǵyna qaramastan syrtta jumys isteıtin qoǵamdyq jumysshylarǵa ystyq tamaq pen sháı usynýda. Qystyń sýyǵynda janashyrlyq tanytqan jandarǵa qala turǵyndary da talaı rızashylyǵyn bildirgen.
Alla Elshisi (s.ǵ.s.): «Kimde-kim musylman baýyrynyń dúnıelik qıyndyqtardan bir qıyndyǵyn ótese, Alla onyń qııamet kúnindegi qıyndyqtardan bir qıyndyǵyn ketiredi. Kimde-kim aýyr jaǵdaıǵa túsken adamnyń aýyrtpalyǵyn jeńildetse, Alla onyń dúnıedegi jáne aqyrettegi aýyrtpalyǵyn jeńildetedi», – degen.
Sınoptıkterdiń baǵamdaýynsha aldaǵy birneshe kún qalamyzda aýa-raıy qolaısyz bolmaq. Osy ýaqytta saýapty iske atsalysamyn degen barlyq jan tómendegi telefon nómirleri arqyly baılanysa alady.
«Tegin taksı» qyzmetine atsalysý úshin: 8775 562 2044 (naıb ımam Narıman Isenov);
«Tegin ystyq tamaqqa» qarjylaı kómektesý úshin: 8775 720 7510 (ustaz Ilııas Otarov);
Muqtaj kisilerge kómir túsirýge atsalysý úshin: 8771 666 0909 (naıb ımam Erbol Abdýahıt).
