Astanadaǵy «Aqmeshitke» jańa naıb ımam taǵaıyndaldy (FOTO)

Jaqynda ǵana Elorda jamaǵatyna esigin aıqara ashqan «Aqmeshit» meshitiniń qyzmetkerler quramy kún sanap bilikti mamandarmen tolyǵý ústinde. Osy ótken juma kúni Astana qalasyndaǵy onynshy qulshylyq ordasyna QMDB tóraǵasy, Bas múftı Serikbaı qajy Orazdyń buıryǵymen jańa naıb ımam taǵaıyndaldy.

Juma namazyna jıylǵan jamaǵatqa respýblıkalyq «Áziret Sultan» meshitiniń birinshi naıb ımamy Qanat Qydyrmın Bas múftı buıryǵyn oqyp berip, jańa naıb ımam Alshynbaev Qanat Muqanǵalıulyn tanystyryp ótti. Asyl dinimizdiń jolynda aıanbaı qyzmet etýdiń saýapty hám jaýapty mamandyq ekenin eske salǵan Qanat Qydyrmın jańa ashylǵan qulshylyq ordasynyń jumysyn jandandyrýǵa úndedi. Elordada jalǵasqan eńbek jolynyń jemisti bolýyn tilep, jańa qyzmetine sátttilik tiledi.

«Nur Múbárak» Egıpet Islam mádenıeti ýnıversıtetin (2001-2005jj) úzdik támamdaǵan Qanat Alshynbaev buǵan deıin Kókshetaý qalasyndaǵy «Naýan haziret» meshitiniń naıb ımamy (2010-2013j.j.), «Nasıhat» keńes berý-ońaltý ortalyǵy» qoǵamdyq birlestiginiń dırektory (2013-2017j.j.) qyzmetterin jemisti atqaryp kelgen.