Astanada ótken Quran jarysynyń jeńimpazdary anyqtaldy

Búgin Astana qalasyndaǵy «Áziret Sultan» meshitinde Qazaqstan musylmandary dinı basqarmasy Astana qalasy ókildiginiń uıymdastyrýymen ótken XV Respýblıkalyq Quran Kárimdi jatqa jáne mánerlep oqý jarysyna irikteý óz máresine jetti.

Bir kúnge sozylǵan rýhanı dodada 70-ke jýyq qarı baq synap, Quran Kárimniń 10, 20 jáne 30 parasy jáne mánerlep oqý atalymdary boıynsha ózara synǵa tústi.

Jarystyń qorytyndysy boıynsha úzdik dep tanylǵan qarılar aqshalaı syılyqtarmen jáne arnaıy dıplomdarmen marapattaldy. Ár atalym boıynsha birinshi oryn ıegerleri Astana qalasynyń namysyn qorǵap, XV Respýblıkalyq Quran jarysyna qatysýǵa joldama aldy.

Marapattaý rásiminde sóz sóılegen Astana qalasynyń bas ımamy Nurbek qajy Áýeshanuly jeńimpazdardy arnaıy quttyqtap, Quranǵa qyzmet etýdiń eń abyroıly amaldardyń biri ekenin atap ótti. Bas ımam jarysqa qatysqan barlyq qarılardyń eńbegine joǵary baǵa berip, bul dodada Quranǵa qyzmet etken árbir jan jeńimpaz ekenin jetkizdi. Sonymen qatar respýblıkalyq kezeńge joldama alǵan qarılarǵa sáttilik tilep, olardyń elorda abyroıyn asqaqtatyp, qasıetti Qurannyń mereıin ústem etedi degen senimin bildirdi.

Jeńimpazdar tizimi tómendegideı:

30 para atalymy boıynsha:
I oryn: Sadraddın Abdýkaıýmov
II oryn: Nurtileý Seıitqasym 
III oryn: Dıas Aıtmahan 

20 para atalymy boıynsha:
I oryn: Aıqyn Maǵaýıa
II oryn: Mahmut Myrzahmet
III oryn: Abdýlbasıt Abdılazız

10 para atalymy boıynsha:
I oryn: Asyljan Ámir 
II oryn: Bılal Abdýkadırov
III oryn: Rasýl Dadajanov 

Mánerlep oqý atalymy boıynsha:
I oryn: Nurmuhammed Aıýbaı 
II oryn: Iýsýf Karshıev
III oryn: Ibragım Nurlanuly

Sýretter tolyǵyraq «FOTOGALEREIa» aıdarynda!

Источник: Aisha