Kýrstyń ashylý saltanatyna QMDB Tóraǵasynyń birinshi orynbasary, naıb múftı, Astana qalasy boıynsha ókili, «Áziret Sultan» meshitiniń Bas ımamy Naýryzbaı qajy Taǵanuly, QR QDM Qoǵamdyq kelisim komıtetiniń Islamdyq dinı birlestiktermen baılanystar basqarma basshysy Murat Smaǵulov, «Nur Astana» meshitiniń Bas ımamy, Imamdardy kásibı qaıta daıarlaý jáne biliktiligin arttyrý respýblıkalyq ortalyǵynyń dırektory Asqar Muqanov, QMDB-nyń Dinı bilim jáne kadyr daıyndaý bólimniń bas mamany Marat Jappasbaev, «Áljan Ana» meshitiniń Bas ımamy Qalıjan Zańqoev qatysty.
Naıb múftı Naýryzbaı qajy Taǵanuly:
«Basty maqsat – bilimdi jetildirý. Bul kýrs bir jaǵynan kásibı turǵyda shyńdalý bolatyn bolsa, endi bir jaǵynan ózara tájirıbe almasý úshin úlken múmkindik. Sonymen birge, bul kýrstan teris aǵymmen jumys tásilderi men aldyn alý joldaryn úırenetin bolasyzdar. El arasynda kóp júresizder, jamaǵat bilmegenin sizderden suraıdy. Sol úshin, elimizdiń tarıhyn da, Islam tarıhyn da jetik bilýlerińiz kerek», - dep atap ótti.
Naıb múftıdiń málimetinshe, atalǵan kýrs elimiz boıynsha 3 qalada ótkizilip jatyr. Al, búgin Astana qalasynda bastalǵan biliktilikti arttyrý kýrsyna 8 ókildikten 80 ımam qatysyp otyr.
QR QDM Qoǵamdyq kelisim komıtetiniń Islamdyq dinı birlestiktermen baılanystar basqarma basshysy Murat Smaǵulov:
«Sizder – jamaǵatpen kúndelikti tyǵyz qarym-qatynasta bolatyn, suraqtaryna jaýap beretin dinı mamansyzdar. Azamattardyń arasynda kóptegen suraqtar týyndaıtyny beligili. Keıbir suraqtarǵa jaýap tabylsa da, keıbir zamanaýı máseleler bar. Oǵan jaýap berý úshin dinı kadyrlar jan-jaqty bilimdi bolýy kerek. Qysqa merzimde ǵylym jaǵynan ımamdar bilimin tereńdetýdi kózdep otyrmyz», - dedi. Sondaı-aq, M. Smaǵulov ımamdardyń dinı bilimimen qosa, zańdyq bilimderi men zaıyrlylyq bilimderin de jetildirýdiń mańyzyn tilke tıek etip, kýrs barysynda óńirlerden kelgen din qyzmetkerlerine bilikti mamandar qosyny sabaq beretinin aıtty.
Imamdardy kásibı qaıta daıarlaý jáne biliktiligin arttyrý respýblıkalyq ortalyǵynyń dırektory Asqar Muqanov ımamdardy bul retki kýrstyń mán-jaıymen tanystyrdy. Sondaı-aq, kýrsqa qatysýshylardyń «Áljan Ana» meshitinen óndiristik praktıkadan ótetinin atap ótti.
QR Qoǵamdyq damý mınıstrligi Qoǵamdyq kelisim komıtetiniń qoldaýymen jáne qarjylandyrýymen ótkizilip jatqan bul retki dinı kadyrlardyń biliktiligin arttyrý kýrsy 20 kúnge ulasydy dep josparlanýda.
